海兒力撐張佳添做冇腳雀仔？ 被問有否被搭膊頭竟然咁樣答

現年54歲音樂人張佳添近日成為話題人物，早前被影到與前女子組合Freeze成員甄采浠在商場攬抱及搭膊頭，舉止相當親密，引起外界對二人關係的關注。對此，張佳添受訪時公開出面澄清，強調兩人只是「膊頭之交」，否認戀愛關係。

張佳添又指自己非常享受單身生活，並透露已單身八年，但卻從未感到孤單。他解釋所謂「膊頭之交」指的是兩人如同「冇腳雀仔」，彼此在空中飛翔，沒有落地打算，屬於純粹朋友關係，並無男女朋友成分，張佳添的言論一出惹非議。

音樂才子張佳添被爆與《愛回家》高小姐甄釆浠（甄詠珊）拍拖，兩入搭肩攬腰相當親密，相差12年的戀情成為城中熱話。（資料圖片）

搭膊攬到實，張佳添卻否認戀人關係。（資料圖片）

今日（20/9）海兒現身將軍澳電視城出席《中年好聲音4》記者會，就事件接《香港01》訪問時表示：「其實佢都好知道自己人生點樣先開心呀，又或者佢身邊好多朋友都好熟悉佢，同埋佢搵到自己開心嘅方法就Ok，而又冇傷害到其他人。（當時睇到有咩感受 ）冇感覺，因為關我咩事啫，佢鍾意點就點。（佢冇有搭你膊頭？）咁又唔會，邊夠膽呀，你哋個個望住。」

海兒為《中年好聲音4》擔任評審。（吳子生攝）

海兒今日出席《中年好聲音4》記者會。（吳子生攝）